大家期待已久嘅Pokemon Go終於喺香港正式推出,相信大家喺街度都已經見到無數嘅小精靈,唔知大家又捉到啲咩小精靈呢?

就係今日嘅朝早,Pokemon Go正式喺香港上架,全城亦都為之瘋狂,小編甚至喺食飯時間同其他同事一齊去捉小精靈,我哋喺街度亦都見到好多同我哋一樣,抱住成為小精靈訓練員依個咁偉大嘅理想嘅人,不停咁mon住部電話,為求唔好放過任何一隻小精靈,唔知大家依家手頭上又有啲咩小精靈呢?

小編希望大家繼續加油,為做香港最強小精靈訓練員努力!不過玩還玩,大家記住留意住路面嘅情況,唔好橫衝直撞,釀成交通意外就唔好啦!